حقيقه غرق المئات في رشيد

Sherif Sobhi

10 hrs

منقول

الحقيقه المره اللي الاعلام رفض يذيعها .. بدايةً الناس اللي كانوا علي متن المركب كانوا في بدايه الامر علي مركبين مش علي مركب واحد ثم حصل اختلاف بين تجار المهربين الامر اللي انتهي بان احد المركبين رفض استكمال الرحله وهما في عرض البحر ..وبالتالي قام بنقل الناس اللي كانت معاه للمركب التاني وسابهم ومشي ده كان حوالي الساعه تلاته بالليل .. طقم المركب اللي اتنقل ليه الناس لما تيقن ان المركب خلاص هيغرق وانه مش هيقدر يتحمل العدد ده كله ، قام بتوزيع الموبايلات اللي كان اخدها من الشباب اللي هربان من البلد وده اجراء بياخدوه مع اي حد من الناس اللي بتهاجر وبيبقي الغرض منه انه ما يعملش شوشره بالموبايل بتاعه اثناء الرحله الامر اللي ممكن يسبب خطوره او انه ينكشف امرهم ثم طلب منهم ان كل واحد يتصل باهله ويبلغهم ان المركب بتغرق عشان يتحركوا ويبلغوا قوات حرس الحدود والبحريه عشان ينقذوهم او هما نفسهم يطلعوا مراكب المنطقه و "الزوادك" للبحر عشان هما بنفسهم يقوموا بعملية الانقاذ ، لأن المنطقه كلها صيادين و عندهم مراكب صيد .. وبالفعل الاهالي اتصلوا بحرس الحدود حوالي الساعه تلاته ونص وبدأوا هما كمان يتحركه ناحية " البوغاز " بمراكبهم عشان يخرجوا منه لعرض البحر ويقوموا هما كمان بالانقاذ .. المفاجأه بقي ان قوات حرس الحدود والبحريه منعتهم يخرجوا من "البوغاز" عشان ينقذوا اولادهم وهما كمان ما اتحركوش ولا فكروا يخرجوا اي لانش من لانشاتهم عشان يلحقوا الشباب قبل ما يغرقوا .. حوالي الساعه خامسه انقلبت المركب وكان علي سطحها مئات و جوه التلاجه كذلك مئات ومقفول عليهم ومحدش قدر منهم يخرج .. اللي قدر يقاوم من الشباب الموج وعرف يعوم هما اللي ربنا نجاهم وتم انقاذهم عن طريق مركب صيد كانت علي مسافه الي حد ما قريبه وكانت عرفت بالخبر عن طريق الاهالي اللي ف البر فاتحركت تجاهم لكن للاسف وصلت متأخر فانقذت اللي لحقتهم .. خرجوا بالشباب للبر وقامت الشرطه باحتجازهم فمراكز الشرطه وكلبشتهم حتي اللي كان في المستشفي منهم كلبشوه في السرير .. وبعدها بيوم خرجوهم والشباب بدأوا يحكوا اللي حصلهم ... وكلهم بلا استثناء قالوا ان عساكر من حرس الحدود المسئوله عن تأمين المنطقه تحت قيادة رائد جيش هما اللي كانوا بيشرفوا علي نزول الناس للمراكب .. وده طبعا بعد ما بيتم رشوة الرائد بمبلغ 40 الف على كل شخص كبير او صغير عشان يسهل للمهربين عملية تنزيل الناس للمراكب . وده حصل قبل كده كتير جدا والناس في المنطقه هناك كلها عارفه بموضوع الشراكه بين قوات حرس الحدود وتجار الهجره غير الشرعيه ويقدروا يكدبوا كلامى ده .. وهناك العشرات من الادله والمواقف اللي بتأكد ده .. ولكن ده مش محل لذكر المواضيع ده .. واعتقد ان مفيش دليل اكبر من ان الشباب شافوا العساكر والرائد قدامهم رأي العين ... وده السبب اللي خلي قوات حرس الحدود تتأخر في انقاذ الشباب دول علي أمل انهم يغرقوا كلهم وما يعملوش فضيحه للرائد ده . يعنى اضرب 40 الف × 600
يساوى 24 مليون جنيه .. بتتقسم مابين حرس الحدود وصاحب المركب والوسيط اللى بيجيب الناس ..كان لازم الناس تغرق المبلغ يستاهل
_واما بخصوص عملية انتشال الجثث
لسه النهارده بس سمحوا لاهالي المنطقه يخرجوا عشان ينتشلوا الجثث من ع سطح المياه ، ولك ان تتخيل عزيزى المصرى ان في وسط المئات من الجثث الطافيه والعشرات من مراكب الاهالي اللي بتحاول تطلعهم .. لم يشارك من الدوله كلها سوي لنش واحد للقوات البحريه وياريته كان بيساهم فعلا انما كان واقف بس والبهوات اللي فيه بيتفرجوا على الاهالى .
احنا رخاص اووى ارواحنا مجال للربح بيرتع فيه افراد القوات المسلحه بالشراكه مع المافيات والحراميه وشواذ البشر .
(ملحوظة ) انا مسؤل عن كل كلمة وكل حرف هنا .
#مركب_رشيد